قالت إنتبه باقي على شفتك روج

قالت إنتبه باقي على شفتك روج
ياعين من حطيت عيني بعينه = وابطيت واقف في بحرعينها موج
ابحرت في عينه بليا سفينه = سجيت فيها لين ضيعني الموج
حاولت الد الشوف عما يهينه = ولا إنتبهت الا وانا فيه ملـبوج
شفت الفتن في ملتقى حاجبينه = والسحر في عينه مع الزين مدموج
اسود سواده لابسته السكينه = وابيض بياضه طايش اللون مرجوج
زاويه طرف ٍ حاجز ٍ دمعتينه = لولاه كان الخد بالكحل ممزوج
كاسيه رمش ٍ زاد ملحه وزينه = من فوق متكحل ومن تحت مدعـوج
بين الرموش السود شفت الغبيـنه = واللي رماه الرمش ماعاد له بوج
مرت ثواني من حياتي ثمينه = وأنا اتهادى بين الاشواق وأدوج
مرت وأنا قابض على راحتيـنه = واقف مقابل له وساهي ومدلوج
مدري وش اللي صار بيني وبيـنه = والقلب ماردنه ضلوعي العوج
ولا إنتبهت الا بسـحبة يدينه = قال انت تبغى الناس تلحقني بهروج
قلت اعذر اللي شافك الله يعينه = يبطي ودمعه بعد فرقاك مزعوج
عينك بنظرات الغلا مستهينه = قال الغلا في داخل القلب منسوج
قلت الوعد قال ايه كلش بحينه = الله يفتح لك من الضيقه فجوج
قلت آآه .. طيب شف لي الدرب وينه = قال انتبه باقي عـلى شفـتك روج
قلت لها أدري بس لا تمسحينه = أبقهر بلـونه مطافيق وعلوج
****
أتمنى أن تنال إعجابكم
منقول بتصرف
*
*
*
الدانه