تكفى يابوي لا يغسل جثتي غيرك

هلا اخوني واخواتي الاعضاء بصراحه

عجبتني هالكلمات الرائعه والمحزنه فحبيت انقلها لكم....


يابوي ليه تبكي كل ما شفتك وعينك لي ؛،؛ تخاف أموت يابوي ... وقبل الموت تبكيني


تكفا يابوي لا تبكي وأنا موجود معك وحي ؛،؛ أجل بعد الرحيل أشلون في قبري توطيني


ابوي لو تموت الناس ماتسوى دموعك ذي ؛،؛ وأنا يابوي ميت قبل أموت وأنت محييني


قسم بالله يابوي لجل عينك شربت الغي ؛،؛ جرعت الهم والحرمان وبحر الويل يسقيني


تحملت السنين اللي طوتني في عاذبي طي ؛،؛ وصار الجمر بكفوفي .. وتحت أقدام رجليني


يابوي ماعلى عمري حسافه ولا بقا بي شي ؛،؛ ولكن بطلبك يابوي تكفا لا تخليني


يابوي مابي غيرك يغسل جثتي بالمي ؛،؛ وتكفا قبل لا أتكفن .. يابوي فكلي عيني


بأمر الله يمكن ألمحك وأرحل في عيني ضي ؛،؛ وودع وجهك الطاهر مع دنياي وسنيني


وخل الناس تحملني وترفع راسي ورجلي ؛،؛ وتأخذني على قبري وتكسب أجرها فيني


وأذا جيت القبر يا بوي نزلني شوي شوي ؛،؛ ووجهني لبيت الله .. وقبله المصليني


وحط الطين وأدفني وعز اللي يعزي في ؛،؛ ثلاث أيام يابوي .. يواسوك المعزيني


ورابع يوم يا بوي تذكر .. ضحكتي وعني ؛،؛ تذكر وش كنت أقول يوم أنك تناديني


تذكر يوم كنت أنام في ظل النخل والفي ؛،؛ تجي يمي تصب الما..على وجهي وتصحيني


تذكر جرة الموال وصوت في حباله كي ؛،؛ تذكر يوم أغني لك قصيدي وانت توحيني


تذكر ضحكتك لا قلتلك يابوي عشقي هي ؛،؛ تذكر كم قصيدة خافيه ما بينك وبيني


تذكر كل شي كان وأذكر يوم انا حي؛،؛ولكن أسالك بالله يابوي لا تبكي علي


تحياتي

!! حالي بدونك حال