عشر وصفات وعشر نصائح مجربة لجمال دائم لا يقاوم
قديم 08-05-2008, 11:30 PM   #1
عضو نشيط جداً
الحاله: رمضان كريم
 
تاريخ التسجيل: Aug 2007
العضوية : 69374
مكان الإقامة: المغرب
المشاركات: 2,509
الجنس: أنثى
مرات الإعجاب: تلقى 23 مرات الإعجاب التي تلقاها
أعطى 0 مرات الإعجاب التي أعطاها
نقاط التقييم: 78
«cool ღ girl» will become famous soon enough
عشر وصفات وعشر نصائح مجربة لجمال دائم لا يقاوم

مرحبا بنات...
جبت لكم اليوم خلطات حلوه وسهلة ومقاديرها موجودة

في كل بيت ولا تضر البشرة إن شاء الله..
بس الي بشرتها حساسة بزيادة ما اضمنها...تجرب وتشوف..
والأهم انها مجربة شخصياً... يعني مو سامعتها من أحد وجايبتها..

........... أترككم مع الوصفات.........

وصفة لترطيب البشرة وتصفيتها ونعومتها..
*تنفع بأي وقت حتى لو كنتي مستعجلة ومعزومة والعزيمة جت على غفلة..
حطي هالخلطة قبل الميك أب بدقائق وبتصير بشرتك روعة..
هي: ملعقة نشا الذرة (حق الطبخ الي بعلبة صفراء مرسوم عليها ذرة)

وملعقة ماء عادي بدرجة برودة الغرفة..
وفيه ناس تحط ماء ورد بدال الماء العادي بس بصراحة ماتعجبني ريحته..
حطيها لين تحسينها نشفت على وجهك .. وكل ماطولتي طلعت النتيجة أحلى..
وماتضر .. يعني مو ملزومة كل اسبوع أو كل ثلاث أيام.. لو تحطي منها يومياً عادي..
...................

الوصفة الثانية..
تنفع لتنعيم الجسم وترطيبة وبنفس الوقت تفتح لونه نوعا ما..
خلي عندك في الحمام وانتي بكرامة بودرة تلك من بودي شوب مالها لا ريحة ولا لمعة ولونها أبيض..
وكريم جيرجنز أي نوع تحبين بس لاتاخذين الي بريحة المسك الجديد لأنه ريحة قوية أتوقع يسود شوي..
وقبل ماتتحممين وانتي بالحمام وانتي بكرامة أدهني جسمك كله

بجيرجنز علشان يصير مرطب وتطلع معك بالليفة البلاوي..
وإذا بديتي تفركين جسمك جيبي ليفة من بودي شوي على شكل

يد وحطي عليها ملح خشن وليمون..
وأفركي بس براحتك لا يحمر جلدك وتسمرين زيادة..
وإذا خلصتي فرك بليفة بودي شوب أغسليها وحطي فيها صابونة نايتروجينا..
وأفركي جسمك عااادي (لأنها صابونة طبية طبيعية وريحتها عادية)

أهم شي ابعدي عن الصوابين الي فيها ريحة..
بعد ماتخلصين (وأنتي بالحمام) نشفي جسمك زين وحطي بودرة بودي شوب على جسمك كله..
وبعدين ادهنية بجيرجنز والي ودها تحط كريم ترطيب بريحة معينة كيفها..
بس يابنات لاتكثرون من الكريمات الي فيها ريحة ولا تحطونها يوميا لأنها أكيد مع الوقت

بتسمر بشرتك خاصة لو كنتي طالبة أو عاملة وتتعرضين للشمس.

الوصفة الثالثة..
وصفة لتفتيح لون الشفايف
الي براطمها غامقة ومعذبتها بالأرواج والقلوسات كل ماشرت لون طلع غير إذا حطته..
جيبي نشا الذرة (سبق توضيحه) وحطي ملعقة أو ملعقتين في علبة قشطة التاج..
وحطيه على براطمك.. بس حاولي تداومين عليه لأن النتيجة يبيلها شوي وقت..
صح بتحسين بريحة مش أوي بس من بغى الدح ماقال أح..
ويفضل قبل وضع الوصفة تقشري شفايفك .. وذلك بوضع القليل من الفازلين
على فرشاة أسنان وفرك الشفايف فيها بهدوء والي شفايفها بالمرة متقطعة وتعبانة
تحاول أنها تفرك بقوة أكثر علشان تتقشر صح..
بعدها أغسلي شفايفك لين يروح الفازلين لأنه ممكن يكون حاجز للوصفة ماتتغلغل ..
وبعدين حطي الوصفة لين تحسين القشطة يبست وبعدها اغسليها..
وبيني وبينكم أنا كنت أحط الوصفة وأقعد اتفرج على أي مسلسل وإذا انتهى رحت غسلت القشطة..
عاد انتم احسبوها بكيفكم.. تبون لين يخلص المسلسل او البرنامج او الي تبون

الوصفة الرابعة..
وصفة لتشقق الكعبين..
فيه كريم بالصيدليات مكتوب عليه scholl ولونه أزرق ومرسوم عليه كعب رجل قبل وبعد..
مكتوب انه يشيل التشققات بثلاث أيام.. وهو فعلا نتيجته زينه

بس مو عاد ثلاث ايام.. يعني اربع او خمس تقريباً..
وسعره حلو يمكن 12 أو 13 هذا الصغير وفيه كبير بس مدري بكم..
المهم انه زين ...
حطي منه بالليل وكثري يعني لاتصيرين بخيلة ..

والبسي شراب وإذا صحيتي وغسلتي رجلك
أدهني شوي جليسوليد الأحمر وأهم شي لاتصيرين حافية
خاصة لو أرضية بيتك رخام أو سيراميك..
واستمري على هالوصفة وصدقيني بتلاحظين الفرق بعيييييينك...

الوصفة الخامسة..
وصفة لتنعيم البشرة وتخليها مشرقة..
بس انتبهيييي ما اضمنها مرررره لأن اختي سوتها ولا ناسبت بشرتها
لكن أنا الحمد لله ناسبتني وبالعكس النتائج خطيرة << تف تف تف ماشاء الله..
وهي.. علبة زبادي مع مبشور الخيار .. انتبهي تطحنينه سوا بالخلاط..
حطي الزبادي في الصحن وبعدين ابشري عليه خيارة ودفيه بيدك شوي لايصير بارد مره
وحطيه مدة ربع او نص ساعه مايضر وبعدها على طول بتحسين بانتعاش وفرق حلو..

الوصفة السادسة..
طريقة لتفتيح الجسم..
صابونة اسمها مينرفا (كرتونتها وردية) تلقينها عند العطار زينه..
وجربتها ونتيجتها كويسة.. بس خلصت وتعيجزت اشتري ثانية..
بس عموما حلوه... للي تبي تجربها..

الوصفة السابعة..
زيت الزيون ومن منا لايعرف زيت الزيتون..
له فوائد عديدة: إزالة الميك أب..
ترطيب الجسم بعد الحمام.
نضع منه على الشعر ونضع فوقة منشفة ساحنة (حمام زيت)

ويظهر لنا النتيجة من أول مره
شعر ناعم وسهل التحكم فيه ولامع.
بالإضافة إلى تدفئته ووضعه على الصدر في حال الزكام.

الوصفة الثامنة..
لبياض الأماكن الحساسة..
كركم جسم مع فازلين..
وتدهن به الأماكن الحساسة.. ويتم تغطيتها بشيء ميتن نوعا ما..
يوميا.....

الوصفة التاسعة..
أخذتها من تايرا في برنامجها .. وجربتها وفعلا نتيجتها كويسة..
تجيبين سمن كريسكو وتحطينه على أكواعك وركبك وقت النوم وتلبسين شراب

(بعد ماتقصينه من تحت ويصير زي الكم )
وتلبسينه على يدك وركبتك وتنامين .. تصحين الصباح تلاحظين الفرق..
واستمري عليه وتصيرين شي..

الوصفة العاشرة وهي القنبله ..
احسن وصفة لين الحين جربتها
واعتبرها احسن وصفة بالعالم..
وهي..
نص علبة جليسوليد الأحمر العلبة الصغيرة..
مع بودرة تلك الي من بودي شوب بدون ريحة او لمعة ولونها ابيض..
واخلطيها في علبة صغيرة وخليها وانتي بكرامة بدرج في الحمام وبعد كل ترويشة يومية
حطيها على رقبتك وأكواعك وركبك والأماكن الحساسة وبين صدرك..
بتلاحظين الفرق من جد..
وخاصة على الرقبة.. الي حولي حسوا بالفرق في رقبتي..
كله بفضل الله ثم هالخلطة..
جربوها والله انها خطيره ولاتحتاج روحة خاصة للعطار ومشاوير..
انصحكم مرة ثانية تجربونها............

والحين بقول لكم الطريقة الي اتبعها في حمامي اليومي يمكن تستفيدون..
اول شي ادهن نفسي بجيرجنز ومن ثم ادخل >>>>

اغسل شعري وجسمي بليفة بودي شوب
مع الملح ليمون والليمون وبعد كذا بصابونة نايتروجينا..
بعدين إذا خلصت انشف جسمي زين
واحط بودرة بودي شوب..
وبعدين شوي جيرجنز على كل جسمك
وبعده احط الوصفة رقم عشرة ..
ولما أطلع أحط جليسوليد أو فازلين على كعب رجولي..
والبس شراب وانتم بكرامة لين تنشف رجلي مررره
بعدين افصخ الشراب عادي والبس شبشب البيت(وانتم بكرامة)...
وبس..

جربت هذي الطرق في وسط إجازة الصيف هذي..
والحين الفرق واضح.. وكل الي شافوني لاحظوا..
حتى أخواتي الي معي في نفس البيت ويشوفوني كل يوم والمفروض مايلاحظون
لاحظوا الفرق..
أنصحكم من جد تجربون هالوصفات لأنها سهلة ومعروفة مكوناتها
ما اقول مواد ضارة بالعكس لو مافادتك ماراح تضرك..

نصائح من أخت لأخواتها:1

.لاتستعملون الفازلين على الوجه لأنه منتج بترولي وشي طبيعي يسمرك بشكل سريع..

2.لاتحطين الفكس على وجهك يقشر وجهك ويحمره..

3.لا تحطي اي وصفة فيها بيض لا على وجهك ولا على شعرك.. لانه معرض للبكتيريا..

4.ضعي شمع العسل (وليس العسل) على شفتيك لنفخها وليس العسل لأنه يغمق لونها.

5.لاتضعي أي خلطة جسم بعد أن يمر عليها شهر ونصف..

6.ولا تستعملي أي خلطة وجه مر عليها عشرة ايام بالكثير.. كذلك خلطات الشعر..

7.يفرق كركم البشرة عن كركم الطبخ(لاتسوين زي وحده على بالها كلها واحد وحطت كركم الطبخ وصار وجهها اصفر).

8.الجليسوليد حلو على الجسم بس بشرة الوجه يخليها تلزق ودهنية..

9.ضعي النشا مع الماء بعد أن تضعي ملصقات إزالة سواد الأنف والمسامات لأن الملصق يفتح لك المسامة وينظفها والنشا أبيض اللون فيكون أول شيء يلامس البشرة بعد تنظيفها وإزالة السواد من المسام فتضمنين وقت أطول حتى لاتظهر المسامات السوداء.

10.الشاهي الأخضر مع الزنجبيل والحبق جيد جدا لتنظيف المعدة والتنحيف لو استعمل بشكل يومي..

**وتذكري أختي بأن السر أولا وأخيرا بجمال البشرة هو معدة وغذاء سليم...

هذي بعد الوصفات المفيدة.. وبعض النصائح البسيطة التذكيرية..أتمنى تستفيدون جميعاً ..وآسفه جداً على الإطاله

ولاتنسون أن البشرة تختلف من شخص لشخص ....

بس جربي ماراح تخسري.... وانتي الحكم....

اتمنى ان تستفيدوا

بس ما تنسوا الردود

التوقيع
°< مراقبة نادي بنات عيون العرب

°< عضوة في شلة last love

°< عضوة في شلة putterflys

«cool ღ girl» غير متواجد حالياً   رد مع اقتباس

رابط إعلاني
قديم 08-06-2008, 02:06 AM   #2
من كبار شخصيات عيون العرب
الحاله: (الوقت لا ينتظر احد)
 
الصورة الرمزية هيمو_العسل
 
تاريخ التسجيل: Apr 2007
العضوية : 43101
مكان الإقامة: الاردن
المشاركات: 11,916
الجنس: أنثى
مرات الإعجاب: تلقى 68 مرات الإعجاب التي تلقاها
أعطى 0 مرات الإعجاب التي أعطاها
نقاط التقييم: 41439
هيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond reputeهيمو_العسل has a reputation beyond repute
رد: عشر وصفات وعشر نصائح مجربة لجمال دائم لا يقاوم

التوقيع


هيمو_العسل غير متواجد حالياً   رد مع اقتباس
قديم 08-06-2008, 02:16 AM   #3
عضو نشيط جداً
الحاله: رمضان كريم
 
تاريخ التسجيل: Aug 2007
العضوية : 69374
مكان الإقامة: المغرب
المشاركات: 2,509
الجنس: أنثى
مرات الإعجاب: تلقى 23 مرات الإعجاب التي تلقاها
أعطى 0 مرات الإعجاب التي أعطاها
نقاط التقييم: 78
«cool ღ girl» will become famous soon enough
رد: عشر وصفات وعشر نصائح مجربة لجمال دائم لا يقاوم

اسعدني مرورك هيمو مشكورة كثير
التوقيع
°< مراقبة نادي بنات عيون العرب

°< عضوة في شلة last love

°< عضوة في شلة putterflys

«cool ღ girl» غير متواجد حالياً   رد مع اقتباس
قديم 08-06-2008, 12:34 PM   #4
عضو نشيط جداً
الحاله: رمضان كريم
 
تاريخ التسجيل: Aug 2007
العضوية : 69374
مكان الإقامة: المغرب
المشاركات: 2,509
الجنس: أنثى
مرات الإعجاب: تلقى 23 مرات الإعجاب التي تلقاها
أعطى 0 مرات الإعجاب التي أعطاها
نقاط التقييم: 78
«cool ღ girl» will become famous soon enough
رد: عشر وصفات وعشر نصائح مجربة لجمال دائم لا يقاوم

وين الردود
التوقيع
°< مراقبة نادي بنات عيون العرب

°< عضوة في شلة last love

°< عضوة في شلة putterflys

«cool ღ girl» غير متواجد حالياً   رد مع اقتباس
قديم 08-20-2008, 11:05 AM   #5
عضو مشارك
لم يعدل حالته
 
الصورة الرمزية اسواار الغلا
 
تاريخ التسجيل: Jul 2008
العضوية : 241783
مكان الإقامة: الدمام
المشاركات: 56
الجنس: أنثى
مرات الإعجاب: تلقى 0 مرات الإعجاب التي تلقاها
أعطى 0 مرات الإعجاب التي أعطاها
نقاط التقييم: 10
اسواار الغلا is on a distinguished road
رد: عشر وصفات وعشر نصائح مجربة لجمال دائم لا يقاوم

الله يعطيك العافيه
اسواار الغلا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:59 PM.


Powered by: vBulletin Copyright ©2000 - 2006, Jelsoft Enterprises Ltd.
Content Relevant URLs by vBSEO
جميع الحقوق محفوظة لعيون العرب
2003 - 2011