ياناس سيبونى ..... يارتنى مت .... قصيدة أعجبتنى كثيرا

**رؤوف مزروع** · 02-21-2008, 01:28 PM

أرجو قراءة القصيده حتى آخرها للإستفادة القصوى

ما تسيبوني ياريتني مت

وحلمت كأني مُت

والحبايب غسلوني

بعد منها كفنوني
والحبايب والقرايب خرّجُوني
والصوات في الخرجه واجب
كله بينوح عليّ بالخصوص
كل الحبايب
واللي يزعق آه يابويا
والصُغَيَّر قال يا جدي.
آه يا جدي
كان بودي تبقي عايش
لما تحضر يوم جوازي
أما زوجتي تقول ياجوزي
آه ياجوزي
كنت طيب بالسلامه
الله يسامحك
كنا طبعًا زعلانين
أما جاري
علي ابن حيطه
جه عمل له ألف زيطه
قال ياخويا بأعلي صوته
واترمي عالنعش يبكي
واللي شَدُّه من ايديه
واللي بيطبطب عليه
واللي قال ترحَّمّ عليه
واللي قال له الصبر واجب
قال له أصبر.!! أصبر إيه.?
انت فاكر إن موته مش خساره.?
آه ياخويا يا ميت خسارة
بس سامعه يقول في سًرّه
روح في داهيه وألف غاره
والبنات نازلين صوات
والشباب فردوا الكراسي
والكنًب والتكايات
واللي نادي عالمآذن
واللي قال قولوا لصحابُه
في البلاد النائيه.. أو بالمكروفون
واللي قال مات الكبير
أصله طيب كان أمير
واللي بيعدد محاسني
واللي بيفتش عيوبي
واللي بيقَطَّع في توبي
واللي قال راجل وشهم
والعيوب صًبحت سهام
كل واحد خدٍله سهم
والسهام فيها اللي صابت
والسهام فيها اللي خابت
أما شاعر جه يعزي..
قال أمين.?!!
ألف رحمه ونور عليه
عنده مبدأ
حَبٍ مصر
حَبٍ أهله.. وحب ناسه
والكلام كان هوَ فاسه
حتي غيطه.. كان عقول الفلاحين
كل واحد.. كان بيحصد من زراعته
كان فلاحته.. فكر راقي
كان بيزرع من كلامه
فكر في العقل الشراقي
كان خزين خبرة سنين
ألف رحمه ونور عليه
كل واحد قال آمين
واللي قال كان زهره حلوه
انقطف قبل الأوان
كنت سامع كل كلمه
بس من غير الودان
كنت شايف كل حاجه
بس من غير العيون
كنت حاسس كل حاجه
بس من غير الحواس
كنت مخلوق شكل تاني
بس مش رجلين وراس
كنت همسه
كنت نسمه
كنت طيف
كنت باسبح في الهوا
والكون لطيف
كنت اشوف نفسي الحقيقه
مرة تانيه
ألقي نفسي كنت زيف
كنت اشوف الناس ورايَ
زي أوراق الخريف
باختصار الشيخ دفنّي
والجميع بيودعوني بالأنين
واللي قاعد جنب قبري
يقرا من سورة تبارك
بعدما خلصت ياسين
واللي قال ثَبت سؤاله
يا إله العالمين
لما مًشٍيُمٍ
الملايكه قوموني للحساب
يسألوني
والسؤال قد الجواب
قال لي: ربك.?
قلت واحد... هوّ رب العال مين
من رسولك.?
قلت أحمد... ابن عبد الله محمد
قال لي دينك.?
قلت مسلم.. زي كل المسلمين
قال لي ارقد.. والحساب وقت الحساب
هات جليسه
هوّ عمله يكون ونيسه.
قال لي شوف..!!
لو كان ونيسك كان كويس
يبقي عملك كان كويس
راح سايبني وتنه ماشي
أو تلاشي ماشفتهوش
جه ونيسي في أبهي صوره
قلت بسم الله تعالي..
انت مين.?
قال لي عملك.
قلت أهلا
قال لي أهلا مش فاكرني.?!!
قلت فاكرك
قال لي أيوه
اللي يزرع خير حيحصد
وانت زارع خير ح تحصد
اطمئن القبر واسع
وانت جًيتنا ف دنيا تانيه
دنيا واسعه وفيها جنه
والمطيع لله ح يلقي فيها أجر العاملين
بص شوف..?
بص شوف الأرض كوره
زي حبة رمل.. في صحراء فسيحه
بص شوف الشمس
زي نقطه ف بحر من غير لون وريحه
بص شوف الدنيا فانيه
واللي فيها كله فاني
أصله محسوب بالثواني
وانت فيها كنت فاني
وانتهيت من دنيا فانيه
وابتديت في اللانهائي.
لا نهائي للزمان
لا نهائي للمكان
لا نهائي للحدود
لا نهائي للخلود
بص شوف.?...
احلي حاجه ف ي الوجود..
قصر لؤلؤ..
لسه متشيد جديد
قلت قل لي حد فيه.?!!
قال لي أيوه... فيه شهيد.
قلت مين.?
قال لي محمود اللي فجر سوق ناتانيا
جنبه مظهر...
واللي فجر ملهي ليلي
جنبه شهداء لانتفاضه
جنبهم شهداء حماس
قلت قل لي والقصور النورانيه
الثلاثة دول لمين
رد قال لي:
اللي في الأول وفاء
بعدها مسكن دارين
بعدها جنة آيات
قلت نفسي أكون شهيد
قال خلاص الوقت فات
كان يجوز قبل الممات
اللي مات من أجل دينه
مات شهيد
واللي مات من أجل أرضه
مات شهيد
واللي مات من أجل عرضه
مات شهيد
قلت آآآه كنت نفسي أموت شهيد
رد قال لي حد حاشك
كنت فين
كنت فين لما اليهود
قيدوكم بالقيود
عشموكم بالوعود
فرقوكم من سنين
كنت فين?
كنت فيه لما اليهود
اشتروكم بالخيانة
عيشوكم في المهانة
علموكم لاستكانه
وانت غرقان من سنين
كنت فين.?
كنت فين وانت شايف
ان أخوك مطرود شريد
كنت فين والقدس بتضيع من ايدكم
ليه ما ثرتش وارتضيت عيشة العبيد
ليه ماشلتش قنبله تنسف وجو د هم
أو تفرق شملهم وتموت شهيد.?
كنت فين.?
كنت ميت والاّ عايش.?
قلت عايش.
واللا باحلم اني عايش
قال لي لأ
اوعي تنطق
اوعي تنطق تاني انك كنت عايش
كنت ميت.
والاّ اقول لك
لما يأخدوا كل أرضك
تبقي عايش.?
والكلاب تنهش في عرضك...
تبقي عايش.?
لما يبقوا مكممينك
تبقي عايش.?
واليهود بتسب دينك
تبقي عايش.?
انت يا ابني كنت خايف
قلت فعلا كنت خايف
علَّمونا ازاي نخاف
لسه ح يكمل كلامه
العيال شدوا اللحاف
والمفاجأه أدهلتني
جت مراتي وقومتني
فوقتني وقعدتني..
بحلقت وقالت لي مالك
إيه جرالك
ساعه بنخبط عليك
والعيال تنده عليك
كل ده ما سمعتناش
انت ميت
قلت أيوه كنت باحلم إني ميت
قالوا شيء ما يهمناش
قال بيحلم.
ياما لسه تعيش وتحلم
قوم وشوف الشعب ماله
كل واحد خد عياله
كله ماشي لارض سينا
واللي جاي من صنعا والامارات ومكه
واللي من بغداد وسوريا
واللي من لبنان وليبيا
واللي م المغرب وتونس
والجزاير والسودان
الشعوب جمعت شبابها
الشعوب فكت ق يودها
والقياده بإيد جنودها
ناويه تطرد اسرائيل
ناويه تطرد لامريكان
يعني ثوره
قلت نفسي اسمعها تاني
قالوا تاني يعني إيه قالوا ثوره
يعني كل الشعب ثائر
قلت ثوره ضد مين.?
قالوا ضد المفسدين
ضد كل الأمريكان
والصهاينة واسرائيل
التفت لقيت عيالي
فيه سؤال راح جاي في بالي
عقل بالي قال دا حلم
قلت دا مش زي حلمي
عقل بالي قال لي فعلا حد علمي
ان حلمك قد سنك
أما ده حلم الشباب
والشباب مليان طموح
بس مكتوف بالسلاسل
وانفجر رغم الجروح
انفجرت بأعلي صوتي
قلت باحلم
صدقوني لسه باحلم
حتي برضه الناس بتحلم
صاحيه تحلم
نايمه تحلم
واللا يمكن عقلي شت
التفت لقيت عيالي
كلهم بيبحلقولي
قلت ليه بتقوموني
ما تسيبوني
ما تسيبوني ما كنت نايم
ما تسيبوني ياريتني مت
ماتسيبوني ياريتني مت
ما تسيبوني ياريتني مت..

منقوله ولكن لا أعلم من كتبها
عموما له ألف ألف شكر على هذه القصيدة الأكثر من رائعة
رؤوف مزروع

**رؤوف مزروع** · 02-24-2008, 10:30 AM

مشكورين جميعا أخوانى الأحباء على مشاركاتكم
اللة يعطيكم ألف عافية

**سائد** · 03-16-2008, 12:30 AM

فعلا رائعة
لكن لابد لهذا الحلم ان يصبح حقيقة
اللهم عجل لنا بالنصر

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحميل فيديو الحلقة التاسعة من التصفية الثانية برنامج شاعر المليون الجزء الثاني مرحلة 24 شاعر	صنيتان	شاعر المليون 2 الجزء الثاني	7	02-25-2008 09:57 AM
تحميل فيديو الحلقة الثامنة من التصفية الثانية برنامج شاعر المليون الجزء الثاني مرحلة 24 شاعر	صنيتان	شاعر المليون 2 الجزء الثاني	16	02-21-2008 12:33 PM
تحميل فيديو الحلقة السابعة من التصفية الثانية برنامج شاعر المليون الجزء الثاني مرحلة 24 شاعر	صنيتان	شاعر المليون 2 الجزء الثاني	12	02-09-2008 02:18 PM
قصيدة أعجبتني	وردة على الطريق	قصائد منقوله من هنا وهناك	11	12-07-2007 05:41 PM
قصيدة أعجبتني ولست مؤلفها(وصية الاسد لابنة ووصية الخروف لابنة )	osama ali	أرشيف المواضيع الغير مكتمله او المكرره او المنقوله و المخالفه	2	03-27-2007 03:34 AM

قائمة الانتقال السريع بين اقسام عيون العرب
أنظمة التشغيل	سكربتات هاكات	تحميل كراكات و سيريالات	شرح برنامج	تحميل برنامج
احكام رمضان	سيرة نبوية	تحميل محاضرات اناشيد	اعجاز الكتاب و السنة	فتاوى
حوارات	منوعات	عملات و اسهم	اخبار و اسرار	شعر نبطي
خواطر	قصص	كتب مجانية	تحضير مواد	شاهادات اونلاين
تعلم اللغات الاجنبية	أزياء	اكلات	ادارة المنزل	ازياء رجال
اجتماعيات	برمجة عصبية	صحة	الاسره	دروس فوتوشوب
دروس خط عربي	مواضيع ترحيب	نكت 2008	مواضيع العاب	صور
مقاطع للتحميل	الغاز	غرائب و عجائب	العاب كاملة	انيمي
صور انيمي	اخبار رياضية 2008	سيارات	مناطق سياحية	برامج جوال
(SMS) و (MMS)	ثيمات و خلفيات	شاعر المليون	أرشيف المواضيع المكرره	العاب فلاش
ثيمات و خلفيات للجوال	نغمات وصوتيات جوالات الجيل الثالث	العاب جوالات الجيل الثالث	موقع تحميل صور	مركز تحميل صور

برامج	برامج جوالات الجيل الثالث	دليل إشهار المواقع	ترجمة نصوص	العاب اطفال
دروس فوتوشوب	صور	ثيمات جوالات الجيل الثالث	تحميل افلام عربية	صور قلوب

::أسرة عيون العرب تبارك لجميع الاعضاء والزوار الكرام بعيد الاضحى المبارك وكل عام وانتم بخير::

الآن !! احصل على مدونتك مجانا من عيون العرب

ياناس سيبونى ..... يارتنى مت .... قصيدة أعجبتنى كثيرا

شعر و قصائد


	عيون العرب :: الإنتساب :: المكتب :: البحث :: الأركيد :: مواقع :: العاب فلاش :: ترجمة مواقع:: إعجاز القرآن :: الموسوعة الإسلامية :: برامج :: الإعلانات :: القوانين :: خروج

رابط إعلاني
معنا ما راح يفوتك أي تخفيض بعد اليوم www.logta.com لقطه، نجمع لك العروض والتخفيضات في مكان واحد