على بال مين ياللي بترقص بالعتمة

هذه بعض الإقتراحات أقدمها على طبق من ورق
لمواطنينا في البلاد العربية حتى نجد من حوادث
السير التي تحصد الاخضر و اليابس والتي تعودنا على
مشاهدتها يوميا مثل نشرة الاخبار وحالة الطقس وطبق
اليوم ولعبة الشدة , فأتمنى أن تكون هذه الحلول
ناجحة في ازالة فيروس الملاخمة لدى أغلب سواقينا .

1- بدلاً من "ممنوع التجاوز" نكتب : بحياة غلاوة
ابوك عليك لا تتجاوز.

2-بدلاً من "السرعة المسموحة 60" نكتب : إذا كنت
زلمة وقد حالك وبتقف على شواربك الصقر خلي سرعتك
ما تطلع عن ال 60.

3-بدلاً من "استخدم حزام الامان" نكتب:ول يا اخوي
, مشان الله أربط حزام الامان على خصرك "ولينبسط
أكثر أخونا السائق يمكن إضافة عبارة : رقصني يا
جدع.

4-بدلاً من "التزم يمينك" نكتب : والله العظيم
اللي بشوفه على اليسار لأمسك بزمارة رقبته حتى
أطلع روحه.

5-بدلاً من "ممنوع الوقوف" نكتب: سايق عليك الله
ما تصف هون.

6-بدلاً من "امامك منعطف عاليمين"نكتب :يا اخوي
الله يرضى عليك ويوفقك ويستر على ولاياك ويجوزك
يلي ببالك ترا قدامك منعطف على اليمين.

7-بدلاً من " امامك مدرسة" نكتب : إذا ما فيها
غلبه وإزعاج ترا يا اخوي قدامك مدرسة.

8-بدلاً من " استخدم الغماز عند التجاوز" نكتب:
اذا كنت شاطر وبتجيب الذيب من ذيله وملحلح وفهمان
وادمي وابن عالم وناس استخدم الغماز لما تتجاوز.

9-لزيادة الاقبال على مشاهدة اللوحات المرورية نضع
صورة "روبي" او "نانسي عجرم" وتحمل إشارة ممنوع
استخدام الموبايل اثناء القيادة "طبعا دم السائق
بيغلي وما بستخدم الموبايل لعيون روبي".

و بالنهاية لا تسرع يا بابا