اجتماع مهم و ضروري لكل المغاربة الموجودين في المنتدى (وأهلا ببقية اخواننا العرب رأيكم يهمنا)

المشاركة الأصلية كتبت بواسطة sherey عزيزتي و عليكم السلام و انا كمان حبيبتي تعلمت اللغه العربيه من المنتدى بس حبيبتي يعني الاغلبيه هون من الدول العربيه المختلفه يعني المغاربه هم اقليه تقريبا و لغتكوا شوي صعبه يعني فيها كلمات مش مفهومه كتير علينا حتى المصطلحات البسيطه شوي غير مفهومه حتى بالنسبه الي اول مره اسمعها يعني مش من نفس جذر الكلام حبيبتي انت و كل اخ مغربي او اخت بالمنتدى الكم حرية الحديث باي لغه بدك اياها حتى لو المغربيه و ما في حد بيمنع اكيد بس المشكله انه الباقي مش راح يفهم يعني ممكن نفهم شوي من الحديث و الباقي فاذا الشي حاببتيه علمينا و منصير نحكي متلك (و بعدين انت و ننوسه في شات البنات بتحكو مغربي و ما شاء الله مفهومه ) تقبلي مروري عزيزتي

شكرا الك دنيا على الطرح المميز
بالنسبة لموضوعك انا راح اجاوبك عليه
اول شي لو اجينا لكل دولة راح تلاحظي انه كل دولة الها لهجة شكل واللهجة اللي بنحكي فيها اقرب لهجة للعربية والفصحى واقرب شي للغة القرآن وخصوصا انه اغلب الموجودين بالمنتدى بيقرأوا القرآن الكريم

حتى انا بكلامي بعيد عن لغة القرآن الكريم لكن شي اقرب من شي

اما السبب الثاني فمثل ما حكت شيرين
بسبب انه عدد المغاربة قليل جدا بالمنتديات فهذا اللي بيخليهم يتعلموا اللهجة الثانية

يعني عيشي بين مجموعة بيحكوا فرنسي مستحيل تستني لحتى يتعلموا الفرنسي اما انتي بتقدري تفهمي من كلامهم وتتعلمي بسرعة واذا سالتي عن معنى كلمة 10 راح يجاوبوكي
ولو بالعكس راح اعطيكي مثل
انا مرة وقعت بين فرند وننوسة مرة ما ترجمولي ولا حرف لانهم منطلقين وبيحكوا مغربي
اجا نشات حكالي الموضوع اللي بيحكوا فيه

وبالعكس دنيا هاي نقطة لصالح المغاربة مش عليهم
يعني انتي هسى بتقدري تزوري اي بلد عربي وتتفاهمي مع الكل

بينما انا هسى اذا بروح على المغرب بضيع من اول يوم


وانا مع فكرة ايمان
انكم تساعدونا لنتعلم لهجتكم
وتحطوا الترجمة تحت كل جملة بتكتبوها

يعني فهمت نص كلام ننوسة والباقي شو اعمل فيه
ترجمبلب بلا
وشو الفرق بين ديالا وديانا و ديالي
حسب ما فهمت من الجملة
ديالي:حبيبتي
ديالا:بالمرة او بتيجي بمعنى هاي
ديانا:اللي النا (لغتنا)

كيف ولا كلمة صح
ههههههههههههه

وشكرا الك دنيا