هذه الرسالة تفيد بأنك غير مشترك او انك لم تقم بتسجيل الدخول. للاشتراك الرجاء اضغط هنــا وإذا لم ترغب في الاشتراك فأهلا بك زائراً لعيون العرب
هذه الرسالة تفيد بأنك غير مشترك او انك لم تقم بتسجيل الدخول. للاشتراك الرجاء اضغط هنــا وإذا لم ترغب في الاشتراك فأهلا بك زائراً لعيون العرب  |  | |
 | عيون العرب :: الإنتساب :: المكتب :: البحث :: الأركيد :: مواقع :: العاب فلاش :: ترجمة مواقع:: إعجاز القرآن :: الموسوعة الإسلامية :: أكواد جافا :: الإعلانات :: القوانين :: خروج | |
 | | |
 |
روابط مهمة: أزمة غزة | خلفيات | العاب للبنات فقط | mobile9 | صور حب | العاب | windows live messenger 9 | قسم جديد رسائل الجوال من عيون العرب |
| |
 |
 |
 |
|
توبكات| موقع باربي| العاب تلبيس باربي| العاب باربي| العاب طبخ | كوش | صور | العاب تلبيس | موقع اليوتيوب - YouTube | تلبيس باربي | دردشة | شات | صور تلوين | العاب ماريو | العاب فلاش | www.youtube.comm | العرب المسافرون| زهير مراد | فساتين| لعبة ايكاريام |
| |||||||
| ملف العروس القسم يهتم بكل مايخص العروس في أجمل ليالي العمر. |
عالم حواء - مكياج - أزياء - عناية بالبشرة - عناية بالشعر - إكسسوارات
| |
| اعلانات تجارية |
|
|
 |
| | LinkBack | أدوات الموضوع | طرق مشاهدة الموضوع |
11-07-2007, 06:20 PM
| #1 |
| مميزة عيون التسالي والالعاب    | فقط لعرايس عيون العرب كل ما يخصكي لشهر العسل تفضلي موضوع لكل صبايا العيون لملمته من عدة منتديات و حبيت تشوفوه معي لان كل وحده فينا راح تصير عروس و الي على وشك الزواج بتمنى الفائده التحضير و الوقايه و نصائح مهمه خلال الشهر  تفضلوا ..... المطار : - اول شي شنطه السفر ما تكون اكثر من 24 كيلو من بدايه شهر 9 ان شالله - اذا شنطتج مألوفه حاولي تلصقين عليها شي او تلبسينها حزام عشان تعرفينها ومحد ياخذها بالغلط - بشنطه السفر لاتحطين فيها مجوهرات او اشياء قيمه- شنطه اليد ما تكون فيها اغراض حاده مثل المقراض او السكين - شنطه اليد ما تكون فيها اغراض سايله مثل المسكرا او الروج ولو احتجتي ممكن تحطينهم بكيس بلاستك وتحطينهم بشنطه ايدج عادي - اذا كنتي شايله شنطه كبيره بالطياره لازم ما تزيد عن 15 كيلو - حاسبي وانتي بالمطار على شنطه ايدج لانهم يترصدون لكم خصوصا وانتوا طالعين من المطار وحاولي تختارين شنطه تنلبس على الكتف وابتعدي عن الشناط اللي تنلبس على الكوع او اللي تنمسك بالكف - الصندل وانتوا بكرامه يكون مريح لان بعض المطارات تكون واااااااايد كبيره ومتعبه في المشي )صنادل هيش بابيز وماركسبنسر مريحين ) - على البوردينق ممنوع تتكلمين في الجوال ولاتنسين تفصخين النظاره - في بعض الاحيان يسالونج اساله عشان يعرفون مدى توترج وبهذا يقيسون اذا انتي ارهابيه او لاء فلازم تكونين مستعده لها - ممكن يطلبون منج فتح شنطه ايدج كوني طبيعيه وواثقه من نفسج عشان ما يبهدلونج - ممكن يطلبون انج تفصخين الصندل وتحطينه تحت الجهاز الشعر:- تغسلين شعرج بالشامبو 3 مرات بالاسبوع تستعملين البلسم المناسب ممكن تضطرين تسبحين اكثر من مرة في اليوم بس حاولي ما تغسلين شعرج بالشامبو بس مجرد ماي لان كثره الشامبو تخرب الشعر مثل ما احنا عارفين شي ثاني حاولي وانتي قاعده قدام التلفزيون مثلا تسوين مساج لفروه راسج بايدج لان مثل ما احنا عارفين العروس بشهر العسل تكون مغطيه شعرها اغلبيه الوقت بالحجاب او الشيله وهاي يسبب تساقط الشعر بس مع المساج بيخف التساقط لانج تحركين الدورة الدمويه براسج بعض البنات يفكرون ياخذون حمام زيت معاهم بس انا ما انصح بهذا الشي لان اغلبيه الوقت بالسفر يكون برى البيت ولما ترجعين بتكونين تعبانه يعني يالله يالله تسبحين سبوح عادي وخلاص اللي شعورهم جافه وخشنه ياليت يستعملون كريم بديل الزيت من بانتين يستعملونه مثل البلسم بس لما يشطفون شعورهم بالماي حاولوا تشطفونه على خفيف - اشلون استشور شعري وزوجي موجود معاي 24 ساعه بالغرفه؟ طبعا هذا السؤال تساله كل بنت قبل الزواج بس الحل سهل وبسيط اول شي علمي زوجج انج تسبحين قبله ثاني شي اخذي كل اغراضج معاج للحمام – وانتوا بكرامه – الملابس الكريمات العطور المكياج تاخذين بالاول شور وبعدين تجففين جسمج .. اما شعرج تجففينه عن طريق المجفف اللي بالحمام تلبسين لبس وتتعطرين وتحطين ميكب وتلفين شعرج بريشه مثل هذي وفي الوقت اللي يدخل فيه زوجج للشور تستعملين هذا السشوار وتقسمين شعرج قسمين او 4 اقسام وتبتدين تستشورينه بس اهم اهم شي استشوري الخصل من قدام وبتطلعين احلى عروس فعين زوجج لما يطلع من الحمام - شعر الجسم اشلون اتخلص منه؟ عندج حلين الاول الموس : هو سهل صح بس المشكله ان الشعر بيطلع ثاني يوم وبيكون حااااااااااد جدا الثاني اللي هو المكينه اللي تنزع من الجذور: وهي احسن لان شغلها تقريبا نفس شغل الحلاوة وراح تتخلصين من الشعر لفتره طويله - المنطقه الحساسه اشلون اشيل الشعر منها؟ نصيحه لاتستعملين الموس لان الشعر يطلع صج صج حاااااااد بشكل مزعج جدا استعملي البراون .. بتقولين يعور .. شوفي حاولي كل يومين تمسحين بالمكينه على كل المنطقه + خط البكيني لان الشعر بيكون خفيف اول ما يطلع والالم بعد بيكون خفيف حاولين تشدين الجلد بيد والمكينه باليد الثانيه - شعر الوجه؟ استعملي المكينه بعد .. لاتخافين مرة او مرتين ما راح ياثرون على بشره وجهج - الوجه ؟ تاخذين مناديل جونسون او مزيل الميكب السائل اللي تستعملينه عشان تزيلين الميكب تستعملين مرطب خفيف للوجه مرة باليوم اذا طلعت لج حبه شتسوين!! اول ما تقومين الصبح تدخلين الحمام –وانتي بكرامه- وتحطين شوي من معجون الاسنان عليها وتخلين المعجون يجف بهالوقت تفرشين اسنانج وتمشطين شعرج لحد ما ينشف واغسلي ويهج من بعدها ... يوم والا يومين بالكثير وبتجف الحبه وانصح بهذي المضمضه لانها قويه وتمنع الروايح بعدين حاولي ما تحطين كريم اساس في الطياره لان في نوعيه من البشرات ما تستحمل الاقلاع وهي مغطيه فبتلاقين ويهج يشب عليج كله حبوب ودمامل ممكن تحطين كحل وغلوس كفايه - اشلون اعتني ببشره جسمي؟ تغسلين جسمج بالشور جل كل يوم تستعملين بدي لوشن بدون ريحه مثل جلسوليد او بيبي بدي لوشن وممكن تخلطين مع البدي لوشن شويه زيت لوز بيعطيج نعومه اكثر وشويه عصير ليمون للتبييض لاتخافين ما راح يخترب الكريم مرتين او 3 مرات بالاسبوع افركي جسمج بالليفه المغربيه بعد ما توزعين شور جل على كامل جسمج بكميه وافره - منطقه الابط؟ نستعمل ديودرنت خالي من المواد الكيماويه وبنفس الوقت يكون قوي ويمنع رائحه العرق وانصحكم بديودرنت كلينك السائل مب الشمع صج روعه وانتي تفركين جسمج بالليفه المغربيه ركزي شوي على هذي المنطقه - المنطقه الحساسه؟ تنغسل جيدا بماي دافي وتنشفينها بفوطه نظيفه ودايما استعملي كير فري .. لاتلبسين اي اندر وير بدون الكير فري لانه يحفض المنطقه جافه ويحمي المنطقه من انواع الاندر الوير اللي تسبب للمنطقه الحساسيه وانا انصح بهذا النوع الملابس: - ايش الملابس اللي اخذها معاي؟ اخذي معاج 5 اطقم اندر وير تقريبا 7 قمصان نوم شنطه يد تناسب لبسج للصيف: صندلين مريحين اللي لهم كعب كامل عرفتوه؟ واحد بلون فاتح مثلا الاوف وايت مثلا والثاني بلون اسود اذا بتلبسين عبايه: اخذي 3 عبي طقم يكون فيهم شغل خفيف بالوان مختلفه و 3 بناطلين مريحين تحت العبايه 5 تيشيرتات او بديات اذا بتفصخين العبايه: اخذي 3 بناطلين وركبي عليهم 3 قمصان بنفس اللون وانا اقترح قميص اسود ساده + بنطلون اسود ساده من نفس القماش قميص اوف وايت ساده + بنطلون اوف وايت ساده من نفس القماش قميص بلون بيج على رملي شوي + بنطلون بنفس اللون والقماش حاولي ما تاخذين بديات اخذي قمصان عشان ما تفصل ايدج وظهرج القمصان استر بوايد وتركبين عليهم 6 فساتين قصيره بحبل تلاقينهم بالمحلات مثل زارا ومانغو يكونون وساع ما يفصلون جسمج وطوال شوي يعني لحد فوق الركبه بشوي يعني لكل بنطلون وقميص ساده اخذي فستانين يناسبون او ممكن تاخذين القمصان الطويله تجي كت بدون اكمام حاولي تختارين شيفونات او حراير لانها تكون خفيفه وراقيه وبنفس الوقت ما تزيد عليج الوزن بعدين اخذي شيل ملونه تكون شيفونات وثابته على الراس وبنفس الوقت يكون حجمها اوكي اخذي 3 شيل تناسب لبسج للشتاء بوت طويل بيج وواحد ثاني اسود + دلاغات قفازات مظله اذا بتلبسين عبايه : اخذي جاكيت بلون اسود طويل 3 بديات هاي نك شتويه 3 وبناطلين ثقيله جينز او مخمل اذا بتفصخين العبايه: جاكيتين واحد بيج والثاني اسود او بني والثاني وردي المهم لون غامق ولون فاتح 4 بديات هاي نك وتكون طويله تقريبا فوق الركبه بشبر بناطلين تكون شوي قصيره يعني لحد عضمه القدم عشان ما تتوصخ بالمطر والثلج يكونون بالوان تناسبه الجاكيتات شالات شتويه ضعيفه تنلف حول الرقبه شيل ملونه تكون شتويه - غسيل الملابس؟ ملابسج العاديه ممكن تبعثينها للمغسله بالفندق الانر وير ما يحتاي تغسلينه دام انج بتلبسين كير فري بس اذا طولتي واحتجتي تغسلينه .. اغسليه بشويه ماي وصابون وعلقيه داخل الكبت واذا تنحرجين جيبي تي شيرت ما تبينه وعلقي الملابس داخل التي شيرت المعلق فهمتو؟ - الكوي؟ افضل شي تشترين مكواه البخار تلاقينها بكارفور صغيره وتستعمل للسفر تقدرين تكوين ملابسج وهي معلقه سهله وايد وعشان ما تكوين وايد بالسفر حاولي ترتبين ملابسج بالشنطه بطريقه ما تعفس فيها الملابس بسرعه اشلون؟ يعني مثلا البنطلون تطوينه طويه وحدة بس وافرشيه على عرض الشنطه فهمتو اشلون؟ القميص بس طويه وحدة بالطول ..قمصان النوم على حالها افرشيها في الشنطه بهالشكل الملابس ما راح تتعفس وايد ويسهل عليج الكوي - اختيار الملابس؟ اشلون اختار ملابسي داخل الشنطه بطريقه سريعه ومن دون ما اخرب واعفس الشنطه؟ هذي يعتمد عليج من بدايه الموضوع يعني قبل السفر واشلون ترتبين شنطتج! يعني الشنطه اول شي تقسمينها بالعرض لقسمين وتبتدين تحطين الملابس اول شي البنطلون وفوقه القميص اللي راح تلبسينه مع هذا البنطلون بعدين البنطلون الثاني وفوقه القميص اللي راح ينلبس مع هذا البنطلون وهالشكل تعبين القسمين اما الشيل او الحجابات تحطينها بالاخير فوق عشان بعدين تختارين منهم بسهوله على كل بدله اما القطعه اللي تجي بنص الشنطه واللي فيها السحاب عرفتوها؟ هذي تعبين فيها قمصان النوم والاندر وير عشان لاسمح الله اذا اضطريتي تفتحين الشنطه بالمطار ما تتناثر هذي الملابس ! - الملابس اللي لبستهم وين احطهم؟ اول ما ترجعين من برى وتبدلين ملابسج حاولي تفرشينهم على الكرسي كم ساعه عشان تروح منها ريحه الجسم اذا ما كانت وصخه بعد كم ساعه طبقيها بنفس الطريقه اللي رتبتيها فيهم داخل الشنطه يعني البنطلون طويه وحدة بس والقميص طويه وحدة بالطول وحطيهم فوق بعض على احد الرفوف ... افضل رف هو الموجود باعلى الكبت بهالطريقه لما تدورين على ملابسج مرة ثانيه بتعرفين وينهم بالضبط وحتى بيساعدج هالترتيب على ترتيب الشنطه مره ثانيه لان الملابس بتكون مطويه وجهازة بس حطيها بالشنطه - قمصان النوم... ايش اللي ممكن البسهم باول الايام؟ حاولي تاخذين معاج كل الانواع في البدايه اول 3 ايام لبسي طويل بعدين حاولي كل مرة تغيرين مرة قصير ومرة طويل...مرة غامق ومره فاتح...مرة شيفون مرة حرير دانتيل المهم تغيرين بس المهم حاولي انج بعد اسبوع واحد او 2 بالكثير تلبيسن القصير لانج لو استحيتي من البدايه بتلاقين نفسج طول العمر مستحيه منه - الملابس المستعمله؟ هذي الملابس تحطينها على طول بكيس الاندري حتى لو ما راح تبعثينها لللاندري بس حطيها بالكيس ... ولو مثلا كانت عندج ملابس مستعمله واضطريتي تنتقلين من دوله لدوله حطيهم داخل كيس الاندري وبعدين حطيهم بالشنطه علشان اول ما توصلين تبعثينهم لللاندري - العلب اللي فيها سوائل ؟ هذي العلب لو بتحطيها بالشنطه بتلاقينها تسرب شوي مثل الشامبو والبلسم وتخيلي لو انكسرت العلبه داخل الشنطه !! يعني ملابسج كلها راحت تعرفين الاكياس البلاستك اللي تنحط فيها السندويشات ؟؟ بتلاقين في الجمعيات احجام شوي كبيره هذي تقدرين تعبين فيها اغراضج السايله بدون خوف - المقراض ,, المبرد ,, الملقط ,, المقص ,, اشلون بحصلهم بسهوله داخل الشنطه؟ طبعا انتوا عرايس وبتشترون مكياج بكميه كبيره واكيد بيعطونكم شناط الميكب الصغيره كهدايا اخذي اصغر شنطه موجوده وحطي فيها هذي الاغراض وحطيها في الاكياس الموجوده على اطراف شنطه السفر مع مكينه نزع الشعر وشنطه المكياج - الحمامات العامه بالمجمعات ؟ طبعا هذي الحمامات الوحده منا تخاف منها لانها عرضه لللامراض وخصوصا باول ايام الزواج اجسامنا تلتقط المرض بسرعه اول شي لازم ترفعين الفلاش بالحمام عشان الماي الموجود يروح ويعطيج ماي جديد ونظيف بعدين مقعد الحمام هذا اللي فيه اكبر كميه من الميكروبات اشلون استعمله !! بتلاقين في بعض الجمعيات اوراق خفيفه تنحط على المقعد بالحمام عرفتوها ؟ ممكن تشوفونها ببعض الفنادق موجوده اكيد شفتوها من قبل ممكن تاخذين كم حبه منهم وتحطينهم بشنطه ايدج وتستعملينهم وقت الحاجه - ايش احط بشنطه يدي؟ اول شي البوك وكل البطاقات مفتاح الفندق اللي ساكنه فيه وعنوانه احتياط لو ضعتي مثلا او لو ركبتوا تكسي ما يعرف اسم الفندق اللي انتوا فيه بولو... علوج ... مقراض ...كير فري .... اوراق الحمام وانتوا بكرامه ...فاين عادي ... فاين معطر .. بانادول - الكير فري ( الكوتكس اليومي ) ؟ حاولي تختارين نوع جيد مافيه عطور ويكون مصنوع من القطن وانا انصح بهذي الماركه بعدين حاولي تاخذين كميه كبيره تقريبا لكل يوم 3 حبات وانتي احسبي كم يوم راح تقعدين هناك بس لاتعتمدين على انج بتشترينهم من هناك .. لان في بعض الدول ما تبيع اليومي لانهم اصلا ما يستعملونه بتكون عندج كميه كبيره من العلب تقريبا لو مسافره شهر راح تلاقين نفسج محتاجه ل خمس علب ... تخيلي شكلهم بالشنطه!! حاولي تدورين على شنطه صغيره ونظيفه تجمعين فيها كل الكميه انا استعملت شنطه البارشوت كان عندهم عرض كل علبتين فشنطه بلاستيك ومن ذاك اليوم استعمل هذي العلبه حتى وانا في البيت لانها تكون احسن من علب الكرتون اول شي ما تدخل فيها حشرات وثاني شي ما ترطب مع السبوح بالحمام -المكياج .. ايش اخذ معاي؟ اللي بشرتهم جافه ياخذون كريم اساس سائل خفيف مثل ديور اما اللي بشرتهم دهنيه لازم ياخذون كرم الاساس المضغوط او البودر مع الاسفنجه روجين واحد بلون وردي والثاني بني بس الدرجات تكون فاتحه بلاشر مع فرشاه البلاشر ضل لون وردي فاتح وبني فاتح مع فرشاه مسكرا... كحل لداخل العين... وكحل لبرى العين مع فرشاه نصايح عامه : - قبل كل شي وفوق كل شي الله ... الصلاه يا بنات لاتلهيكم الدنيا والوناسه عن الصلاه ... القران حاولوا لو مرة في الاسبوع تقرون صفحه وحده كفايه اهم شي تذكرتوا الله - الدعاء والاستغفار... احسن وقت للدعاء في الطياره وقت الاقلاع ادعي ان ربج يوفقكم ويا بعض ويبعد عنكم العيون والحسد والاعمال والسحر ويرزقكم بالذريه الصالحه في الوقت المناسب لكم .. طول الوقت بالطياره ادعي لان الدعوه وقت الصعود يعني وقت الاقلاع مستجابه ودعوه المسافر مستجابه بعد ... واذا تمللتي استغفري ربج او سبحي شوي بس الاهم انج ما تنسين ربج بالسفر - هذي السفره اول سفره واول تواصل بينج وبين زوجج ... ومن هالسفره زوجج راح يحكم عليج وعلى حياتكم وعلى كل السفرات الجايه ... فلازم تتحلين بكم صفه وهالصفات المفروض تتحلين فيها طوووووووول عمرج - ما تكونين ممله يعني .. اف ملل.. اف حر... اف تعب هذي كلها تنسينها حاولي تكونين دايما انسانه ممتعه بالسوالف والتصرفات - تكونين انسانه مرتبه دايما سواء بلبسج وشعرج ومكياجج وحتى بالغرفه بالفندق يعني مثلا لما تقومين من النوم حاولي ترتبين الفراش مب تعتمدين على الهاوس كيبينق .. حتى لو تفرشينه بطريقه مرتبه بس مب مهم يكون شي مظبوط ميه بالميه لا المهم ان الفراش يكون مرتب ..... وحتى ملابسج وملابس زوجج حاولي ترتبينهم دايما يعني اختاري مكان بالغرفه مثلا تحطين فيه كل الجواتي وانتوا بكرامه والملابس الوصخه على طول حطيها فكيس الاندري - حاولي انج تكونين يد زوج اليمين بالسفر يعني مثلا الجوازات لما يعطيج اياهم خلج حريصه عليهم وحطيهم بشنطتج ... اول ما تطلعين من الفندق اخذي عنوان الفندق معاج ومفتاح الغرفه عشان لما ترجعون للفندق يكون معاج العنوان تعطونه للتكسي ... بانادول وعود الاسنان والعلوج هذي كلها تخلينها بشنطتج عشان اول ما يطلبها تكون عندج ...يعني مب لازم زوجج يقولج افعلي وسوي لا بالعكس انتي ابهريه بتصرفاتج العقلانيه صدقيني بتكبرين فعينه - لاتكوينن بليده بالسفر يعني لما يقولج بنطلع الساعه 4 مثلا حاولي تجهزين نفسج قبل او مثلا لما يقولج يلا نطلع حاولي تجهزين بسرعه خصوصا باول سفره لان الزوج مب متعود ان حد ياخره بالسفر فحاولي تكونين مستعده دايما - اذا قررتوا تسافرون يوم الاربعاء على الظهر مثلا ...حاولي تجهزين شنطتج الثلاثاء الظهر بحيث تخلين الاغراض اللي راح تستعملينهم خلال هاليوم بس برى اما الباقي كلهم داخل الشنطه يعني حطي لج لبسه ليوم الثلاثاء الظهر ولبسه ليوم الثلاثاء بالليل ولبسه ليوم الاربعاء الظهر ولبسه ليوم الاربعاء للسفره يعني .... بهالطريقه راح تكونين مستعده وما راح تتبهدلين على اخر لحضه ولا راح تنسين شي بالغرفه مثلا صدقيني بتشوفين اشلون راح يعاملج يوم تدخلين محل للحريم .. وبنفس الوقت راح يتعلم ياخذج معاه كل مره يوم يختار له لبس يعني كسبتي شيئين - لو مثلا ضعتوا بالشارع ايش يكون موقفج ؟؟؟ الرجال ما يحب يفقد ثقتج فيه لذلك لما يضيع يحس ان ثقتج فيه قلت فاول شي تقولينه : الله حلو هالشارع لو رحنا على طول للمكان الفلاني من الشراع الثاني ما كنت بشوف هالشارع الحمد لله مرينا على هالشارع وغيرنا الطريق يعني حاولي تخلين كل شي بعينج وبعينه حلو حتى لو كان تصرف مب حلو منه - لو مثلا قالج انا ابي نزل تحت بالكوفي شوب صديقي عازمني على قهوه ابي اسلم عليه مثلا بخليج في الغرفه دقايق وراجع .... لاتقولين لاء والا اف والاما يصير .. بالعكس خليه على راحته عشان ما يكون مقيد معاج ... لو حس انه مقيد بتلاقينه يفكر مره ثانيه الف مره قبل لاياخذج معاه !!! بالعكس انتي لو خليتيه يروح مثلا ربع ساعه بهالوقت رتبي شنطتج والا غرفتج او استشوري شعرج وحطي مكياج او حفي جسمج صدقيني بتطلع لج الف شغله بهالوقت وبنفس الوقت زوجج راح يحس انه حر مب مقيد - تصرفي على طبيعتج لاتكونين مصطنعه.. يعني لاتضغطين على نفسج عشان تكونين بعينه الانسانه المثاليه بالعكس الرجال يحب المراه اللي تتصرف على طبيعتها ... واذا تصرفتي انتي على طبيعتج بتلاقينه هو نفس الشي يتصرف على طبيعته...لاتخلين الخجل يكون حاجز بينج وبينه... بالعكس من اول الايام من شهر العسل كسري الحاجز وبتلاقين نفسج ان شالله مرتاحه وسعيده معاه - الزعل... حاولي ما تشيلين بخاطرج على اي شي يعني مب كل كلمه اطلعت من زوجج بالغلط او تصرف بسيط ضايقج يخليج تزعلين وتسوينها سالفه !! بالعكس بينيله انج زعلتي وبعدين على طول انسي الدنيا ما تسوى واشكثر الانسان بيعيش من عمره عشان يضيع هالايام بالزعل؟ وصدقيني بهالشكل راح تكسبينه وبتلاقينه يحبج اكثر واكثر وبتلاقينه يحب ياخذج معاه وين ما راح لانج مصدر راحه مب مصدر زعل نفس الشي لو انتي غلطتي بحقه بشي وشفتيه زعل ... لاتكبرين الموضوع وتسوينها سالفه وتعتذرين واسفه ومب قصدي!! لا عادي خلي كل شي سلس بينكم اضحكي وتكلمي معاه بطريقه عاديه كان شي ما صار لاتعلمينه على الاسف والاعتذار من البدايه بهالشكل راح تقلصين المشاكل اللي بينكم طبعا اتكلم عن المشاكل البسيطه مو الكبيره http://vb.arabseyes.com/t44942.html http://vb.arabseyes.com/t44943.html http://vb.arabseyes.com/t27009.html(موضوع مميز للاخت رهينة الماضي موجود به خلطات سريعه للعروس ) من مواضيع sherey : - بدي ابكي |
|      |
|
11-07-2007, 06:36 PM
| #2 |
| مميزة عيون التسالي والالعاب | رد: فقط لعرايس عيون العرب كل ما يخصكي لشهر العسل تفضلي أول شي نبدأ بالاشياء الي لازم تعرفينها عن البلد الي بتقضون فيها شهر العسل : 1- هل البلد جوها في هذا الوقت بارد ..حار... معتدل ؟؟ 2- المناطق الي بتروح لها العروس ؟؟ هل هي قرى ... مدن ... أو جبال ... أو منطقة ترفيهيه مثلا ؟؟ 3- اعداد قائمه خاصه لشنطة شهر العسل بما يتناسب مع المده والمكان ... يعني مب تسافرين اسبوع وتاخذين شنطه لشهر وتقولين عروووس .......لا اخذي اللي يكفيك عشان ماتتعبين ولاتتعبين زوجك معاك .... الان عندنا الشيء المهم والي على أساسه كتبت الموضوع وجمعت بعض المعلومات ... مستلزمات ومحتويات شنطة شهر العسل : بنبدأها خطوه خطوه من الألف الى الياء ... طبعا بعد تحديد نوعية البلد الي بتروحين له ومعرفة نوعية الملابس الي بتلبسينها راح تبدين التجهيز ... وهو كالاتي : 1- مستلزمات العنايه بالبشره : في حال انك رايحه لبلد جوها بارد من اهم الاغراض الي بتحتاجينها للعنايه ببشرتك • كريمات مرطبه ( لان البشره في البرد يصيدها جفاف ممكن يأثر عليها لاحقا ... ) ومن الكريمات اللي أنصح فيها للجفاف من أفضل الكريمات الي اثبتت مفعولها في العنايه بالبشره هي كريمات ماركة Clinique هذا الكريم مفيد جدا لجفاف البشره واسمه Superdefense Triple Action Moisturizer SPF 25 - Very Dry Skin • أما في حال انك رايحه لمنطقه جوها معتدل فاستخدمي الكريم الي يناسب بشرتك وهذي بعض الكريمات الممتازه لأنواع البشره : البشره الدهنيه Superdefense Triple Action Moisturizer SPF 25 - Normal to Oily Skin البشره العاديه والمختلطه Superdefense Triple Action Moisturizer SPF 25 - Normal to Dry Skin وعندنا ماركه اخرى بعد ممتازه للعنايه بالبشره ومستحضراتها ينصح بها الي هي Estee Lauder وهذي مجموعة العنايه اليوميه طبعا ماننسى واقي الشمس لمنع الاسمرار لوكنتي رايحه لبلد حاره أنصحك باستخدام مجموعة شيسيدو للوقايه من الشمس وهي عباره عن كريم أساس والبودره المضغوطه ولوشن الجسم ومرطب الشفايف يعمل كواقي من الشمس مع جفاف البشره طبعا يصاحبها جفاف للشفايف وانتبهي ياعروستنا من هالشي لازم تاخذين معاك مرطب خاص للشفايف ويفضل انه يكون بطعم هذي من لانكوم • كريمات ترطيب الجسم : كل عروسه طبعا راح تشتري مجموعة كريمات للجسم مع عطوراتها ... وهذا نموذج من مجموعة تحتاجها العروس مجموعة عطورات وكريمات كوكو شانيل ه ذا العطر وهذي بودرة الجسم وهذا كريم الجسم وهذا ال bath jel معطر الشعر مزيل العرق وأخير الصابونة وهذي مجموعة عطورات من استي لودر • مجموعة الاستحمام : صابونه, مقشر جسم, كريم الجسم, شور جل,رغوه ... وانصح ببودي شوب وطبعا الشامبو ... وكريمات عنايه - الملابس والاكسسوار : اياك عروستنا تغلطين وتودين تجهيزك كله السفر ....بيكون تعب عليك وعلى زوجك ..... بعد تحديد مدة شهر العسل تقدرين تحددين كمية الملابس المطلوبه والي هي : 1- قمصان نوم ( بكل أنواعها طويل وقصير ) 2- بجامات ( سواء صيفيه شورتات أوشتويه على حسب البلد ) ومعاها السليبرز 3- أطقم داخليه ( مايمنع تاخذين اطقمك كلها لانها هي الي تستهلك أكثر ) 4- تنانير وحركات دلع قصيره 5- ملابس للطلعات المميزه .. مثلا عشا في الفندق أوغيره بتحتاجين ملابس كشخه وغير عن الملابس العمليه 6- أحذيه عمليه لان شهر العسل معروف انه كله حركه وتجوال فلاتتعبين رجلك وبتلقين أحذيه عمليه وراقيه في نفس الوقت 7- شيل وعبايات ( للي تلبس ) 8- اكسسوارات الشعر 9- طقم فوط لك ..... ولزوجك 10- بالنسبه للذهب والالماس ... نصيحه لاتاخذون معاكم الا الي بتلبسونه يعني الدبله طبعا على كم حلق وكم خاتم وتعليقتين او 3 ... يعني مب تاخذووون الذهب كله معاكم المكياج : اخذي معاك شنطه صغيره وراقيه مثل Burburry Dior Gucci وضعي فيها مكياج بسيط ... حيث انه لاداعي لكثرة المكياج في شهر العسل ونصيحه مني ( الرجل يحب المرأه على طبيعتها ويفضل التبرج الخفيف ) يعني اخذي معاك الوان ناعمه من الارواج والقلوسات وبودرتك المفضله طبعا وكحل وماسكرا وبلاشر ... الادوات : 1- مكينة حلاقه وعندك الانواع التاليه : Braun Silk Epil وهذي للمناطق الحساسه 2- مجفف الشعر 3- علبة حلاوه (شيره) لازالة الشعر 4- موس نسائي ( لوكنتي من مستخدمينه ) • لاتنسي سجادة الصلاه • دهن العود والمسك للمنطقه الحساسه • علبة خياطه أنيقه ( للطوارىء) • الفرشاه والمعجون • مزيل طلاء الاظافر • بندول (وانشالله ماتحتاجونه ) • مزيل مكياج • الفوط الصحيه لاحد يتوهق • عطر الفراش • مقص ومبرد الاظافر • كامير التصوير • ملقط للشعيرات الي تظهر عالوجه • مناديل معطره ومرطبه للشنطه مستلزمات حقيبة اليد : باكيت صغير للكلينكس. - نعناع أو أي حلاوة لنفس منعش. - زجاجة عطر صغيرة. - علبة كريم صغيرة لليدين(عادة تيوب). - فوطة صحية واحدة. -المكياج اليومي ( بودره – كحل – قلوس ) drawGradient() من مواضيع sherey : |
|
| |
|
11-07-2007, 06:53 PM
| #3 |
| مميزة عيون التسالي والالعاب | رد: فقط لعرايس عيون العرب كل ما يخصكي لشهر العسل تفضلي http://vb.arabseyes.com/t26629.html http://vb.arabseyes.com/t7737.html http://vb.arabseyes.com/t6845.html http://vb.arabseyes.com/t35453.html http://vb.arabseyes.com/t21991.html(اجمل الاكسسوارات ,الفساتين و التورتات ) http://vb.arabseyes.com/t41791.html (للاخت آمي مجنوعه رائعه ) من مواضيع sherey : - التعذيب |
|
| |
|
11-07-2007, 07:00 PM
| #4 |
| مميزة عيون التسالي والالعاب | رد: فقط لعرايس عيون العرب كل ما يخصكي لشهر العسل تفضلي يتبع ........ من مواضيع sherey : |
|
| |
|
11-07-2007, 07:00 PM
| #5 |
| مميزة عيون التسالي والالعاب | رد: فقط لعرايس عيون العرب كل ما يخصكي لشهر العسل تفضلي يتبع ........ من مواضيع sherey : |
|
| |
