خلف : ولك يا قردة شكلك ناسية انه متل هاد اليوم قبل سنتين كان أول مرة بشوف خلقتك و بنحب بعض , يعدمني خدودك شو ناسية ؟!
شفيقة : والله جد ولك الله يقطعك شو بحبك ... بعدك متذكر يا مقلعط ؟
خلف : هووووه , هو اللي بشوف هالشكل اللي بقطع الرزقة بنساه ؟
شفيقة : هاهاهاهاهاهاهاها يلعن أبوك شو حكياتك حلوين ... هاد اللي معلقني فيك ... ولك بتتذكر أول مرة تلاقينا ؟
خلف : هههههههه هو انا بنسى ؟ يوم ما حطتلك رجلي و انتِ ماشية مع أمك و قلبتي على بوزك
شفيقة : ولك الله يقطعك شو رومانسي ... كيف هيك تجرأت و اتخذت هاي الخطوة الجريئة ؟ جد انا بحب الشب المبادر و اللي القلبه قوي
خلف : يللا عاد هسة بدك تكبري راسي و تظلك تمدحي فيي ؟ انتِ كمان سبيتي علي يومها بتتذكري ؟ والله ما بنسى مسبتك , يومها عنجد عرفت إنك بتحبيني
شفيقة : آه والله يا خلوفتي ... انا ما سبيت عليك إلا لأني بحبك
خلف : يا قلبي انتِ
شفيقة : ههههههههههه ما بنساها , يلعن حرمك ، لو كنت بحبك مرة صرت أحبك ألف مرة بعد هداك اليوم , يوم ما اقترحت علي انه نتباطح و اللي ببطح التاني 3 مرات هو اللي بنام عالأرض و الفايز بنام عالتخت
خلف : يا الله يومها شو انبسطت ... بس صحيت تاني يوم مكسرة عظامي من النومة عالأرض
شفيقة : ما هو يا خلف انا بطحتك 5 مرات
خلف : لا والله بس بطحتيني عالأرض 4 مرات ... آخر وحدة مش محسوبة
شفيقة : كيف مش محسوبة ؟! بطحتك المرة الخامسة لما دعست على رقبتك ... ناسي ؟
خلف : هووو هووو علينا ... خلص مو مشكلة يا ستي بطحتيني خمس مرات , هسة ما تضيعي علينا الإحتفال بهاي الليلة اللي ما بتتعوض
شفيقة : والله معك حق ... خلص شو رأيك انا اليوم رح أخليها ليلة رومانسية بشكل
خلف : شو رح تعملي ؟
شفيقة : انت ما عليك بس حضّر الشمع و اشعله و سكر الضو و هسة باجي
و ما ان اشتعل الشمع إلا و خرجت شفيقة من المطبخ حاملة صحن مجدرة , رغرغت عيون خلف و انغمرت بالدموع فرحا ً , حمد ربه و وعد شفيقة بأن يبقى مخلصاً لها ... فما كان من شفقية إلا أن طلبت منه بوسة , فلما لف لها خده عضت أذانه فضحك خلف و ضحكت شفيقة و بقيا على الطاولة يأكلون المجدرة لآخر الليل ... و يقال انهم إلى الآن بياكلو بالمجدرة !!!
05-07-2009, 12:38 AM
ليلة رومنسية على الطريقة الفلسطينية 
المواضيع المتشابهه 
العرض العادي
