عيون العرب - ملتقى العالم العربي - عرض مشاركة واحدة - كان لك قلبي مدينه ولاحظ إني قلت كان ..
الموضوع: كان لك قلبي مدينه ولاحظ إني قلت كان ..
عرض مشاركة واحدة
قديم 06-21-2009, 04:05 PM   #1
يكفي عتب
مميزة في قسم صور الأنمي
الحاله: ‌ ‌~ ‏ويسألني : تحبيني ..؟

يكفي عتب

مقالات المدونة: 1

يكفي عتب has much to be proud ofيكفي عتب has much to be proud ofيكفي عتب has much to be proud ofيكفي عتب has much to be proud ofيكفي عتب has much to be proud ofيكفي عتب has much to be proud ofيكفي عتب has much to be proud ofيكفي عتب has much to be proud ofيكفي عتب has much to be proud of
Post كان لك قلبي مدينه ولاحظ إني قلت كان ..


كان لك قلبي مدينه ولاحظ إني قلت :


((كان))


يعني إنتَ الحين واحد



((خارج حدود المدينه ))

ليه مستغرب كلامي وليه أعطيك الأمان
وليه تَكْذِب في كلامك العذر وينك ووينه


ما ألومك كان قلبك ثارت أمواجه وخان
الخطا منَّي لأني صرت في بحرك سفينه


والسؤال اللَّي كتمته وما نِطَق فيه اللسان
كيف إيدك إطعنتني وآنا أحْسِبْهَا أمينه ..؟


جرحي ما يرضيه قلبك لو يجي كلِّه حنان
لو تبوس الجرح فيني ولو تقبلها إيدينه


يُوم أحبك قلت كلمه :

( يكرَم المرء أو يُهان )

وإنتَ قلبي ما كرمته وما قدرت إنِّك تهينه

عزِّتي )..

ما هي جديده آنا شامخ من زمان
إغسل إيدك من رجوعي وروح يا إبن اللذينه


طاب خاطر قلبي منِّك وهذي الفرقى رهان
وحتَّى لو قلبي يحبك ربِّي بفراقك يعينه


تدري لما قلت أحبك قلت وما عندي ضمان
وإختياري كان خاطىء تجربه بالحيل شينه


كنت تخطي وكنت أسامح مرَّه مرتين وثمان
أدمح الزله عشانك وأكتم أنفاس الغبينه


كنت أحبك وكنت أعزك والغلا فيني جبان
اخاف تزعل لو ألومك ضعت ما بينك وبينه


في عيون الناس عادي بس في عيني جنان
وكان قلبي من يشوفك تفضحه نظرة حنينه


ماني أوَّل من يحب ومنتَ آخر شخص خان
المحبه في زمانك بحرها من غير مينه


الفشل .. كان النتيجه وأعتقد آن الأوان
.أبني مستقبل حياتي وأنسى قصتنا الحزينه




وخطوتي الأولى غيابك وراح أطبقها عشان
يبكي قلبك لا فقدني والندم .. يملي سنينه


جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لك رهينه


قلت لك قلبي ( مدينه ) فيها لك حشمه وشان
لكن إنتَ الحين أغرب شخص في هذي المدينه

من مواضيع يكفي عتب :


توقيع يكفي عتب:

مآقتلتــہ ..! بس هو مآتْ فينـيَِ ..<~


يكفي عتب غير متواجد حالياً   رد مع اقتباس

رابط إعلاني

اللي يدور وظائف- سكن – سيارات جديده ومستعمله- موبايلات- ارقام مميزه – حياة زوجيه ...... كل شيء في بيزات